Fact Checked

White Discharge During Pregnancy In Tamil

white discharge during pregnancy in tamil

Image: Shutterstock

IN THIS ARTICLE

பெண்கள் எனும்போது அவர்களுக்கு வெள்ளை படுதல் எனும் சிக்கலானது சில சமயங்களில் பிரிக்க முடியாததாக மாறி விடுகிறது. பதினான்கு வயதில் இருந்து இது எப்போது வேண்டுமானாலும் உங்கள் உடலில் ஏற்படலாம். இதனால் உடலில் ஒரு சில மாற்றங்கள் ஏற்படுவது சாதாரணமான ஒன்றுதான்.

எனினும் கர்ப்ப நேரத்தில் வெள்ளை படுதல் நடக்கும்போது பெண்களுக்கு பயம் ஏற்படுவது என்பது சரியானதுதான். இந்தக் கட்டுரை வெள்ளை படுதல் பற்றிய விபரங்களை முழுமையாக கொடுக்க முயற்சிக்கிறது. எது சாதாரணமான வெள்ளை படுதல் எது அசாதாரண வெள்ளை படுதல் என்பன பற்றி மேலும் அறிந்து கொள்ள வாருங்கள்.

பெண்களில் வெள்ளை படுதல் ஏன் நிகழ்கிறது?

வெள்ளை பால் வெளியேற்றம் என்பது கருப்பை வாய் மற்றும் யோனிக்குள் பாக்டீரியா மற்றும் இறந்த செல்களை வெளியேற்றுவதற்காக உருவாக்கப்படும் திரவமாகும். இது பெண் இனப்பெருக்க பாகங்களை சுத்தமாக வைத்திருக்கிறது, மேலும் தொற்றுநோயைத் தடுக்கிறது. எனவே, வெள்ளை வெளியேற்றம் என்பது உங்கள் தனிப்பட்ட பகுதிகளுக்கு ஒரு சுத்திகரிப்பு லோஷன் போன்றது (1).

பாக்டீரியா, ஈஸ்ட் போன்ற தொற்றுக்கிருமிகள் பிறப்புறுப்பை பாதிக்கும்போது, அங்கு சுரக்கும் திரவத்தின் அமிலத்தன்மை காரத்தன்மையாக மாற்றமடையும். முதலில் நிறமற்ற நிலையில் வெளிப்படும் திரவம் அதன்பிறகு வெள்ளை, சிவப்பு, மஞ்சள் மற்றும் பச்சை நிறங்களில் வெளிப்படும். நிறங்கள் மாற மாற தொற்றின் பாதிப்பு தீவிரமடைகிறது என்று பொருள்.

ஆனாலும் ​​கர்ப்ப காலத்தில் கூட வெள்ளை வெளியேற்றம் தொடர்கிறதா என்று நீங்கள் வியப்பது எங்களுக்கு புரிகிறது.

கர்ப்ப காலத்தில் பெண்களுக்கு ஏன் வெள்ளை படுதல் நடக்கிறது ?

கர்ப்ப காலத்தில் உங்கள் மாதவிலக்கு  கால இடைவெளியைப் போலவே வெள்ளை படுதலும் இடைவெளி கொள்வது பொதுவானது. இருப்பினும் ஒரு சிலருக்கு கர்ப்ப காலத்தில், வெள்ளை படுதல் அதிகரிக்கிறது, ஏனெனில் உங்கள் உடல் அதிக ஈஸ்ட்ரோஜனை உருவாக்குகிறது, மேலும் சளி சவ்வுகளைத் தூண்டும் இடுப்புப் பகுதியில் அதிக இரத்தம் பாய்கிறது. தெளிவான-வெள்ளை வெளியேற்றம் கர்ப்பப்பை வாய் மற்றும் யோனி சுரப்பு, பழைய செல்கள் மற்றும் யோனி பாக்டீரியாக்களால் ஆனது.

மேலும், உங்கள் குழந்தையின் தலை கர்ப்பப்பைக்கு எதிராக அழுத்தும்போது, அந்த ​​அழுத்தம் கர்ப்பத்தின் பிற்கால கட்டங்களில் ஓட்டத்தை அதிகரிக்கும்.

கருப்பை வாய் மற்றும் யோனி சுவர்கள் மென்மையாகி, யோனி வழியாக கருப்பையில் நுழையும் தொற்றுநோய்களைத் தடுக்க வெள்ளை படுதலை உடல் அனுப்புகிறது. இதன் பொருள், வெள்ளை படுதல் என்பது ஒரு வகையில் உங்களுக்குள் வளரும் சிறிய உயிரின் வாழ்க்கையை பாதுகாக்கிறது (2). எனவே, அந்த வெள்ளை எனும் ஈரமான பிசுபிசுப்பான விஷயம் உங்களை தொந்தரவு செய்வதை நீங்கள் பொருட்படுத்த மாட்டீர்கள்!

கர்ப்ப காலத்தில் ஏற்படும் சாதாரண வெள்ளை படுதல் என்பது எதன் பொருட்டு முடிவு செய்யப்படுகிறது?

கர்ப்ப காலத்தில் ஏற்படும் வெள்ளை படுதல் தெளிவாகத் தெரிந்தால், மெல்லியதாகவும், பால் போலவும், லேசான வாசனையுடனும் இருந்தால் இயல்பானது.லுகோரியா எனப்படும் சாதாரண வெளியேற்றம், பெண்கள் கர்ப்பமாக இல்லாதபோது இருக்கும் வெள்ளை படுதலை ஒத்திருக்கும்.

பல பெண்களுக்கு கர்ப்பமாக இருக்கும்போது வெள்ளை படுதல் அதிகரிக்கிறது, மேலும் இது கர்ப்பத்தின் பிற்கால கட்டங்களில் தடிமனாகிறது. கர்ப்பத்தின் முடிவில், வெள்ளை படுதலில் தடிமனான சளி மற்றும் சில இரத்தம் (3) இருக்கக்கூடும், ஏனெனில் குழந்தையின் பிறப்புக்கு உடல் தயாராகிறது என்பதன் அறிகுறி தான் அது.

வெள்ளை படுதலில் ஏற்படும் வித்யாசங்கள்

வெள்ளை படுதலில் சாதாரண நிலைவெள்ளை படுதலில் அசாதாரண நிலை
வெள்ளை நிறத்தில், மெல்லியதாகவோ அல்லது அடர்த்தியாகவோ இருக்கலாம்மஞ்சள், பச்சை மற்றும் பழுப்பு போன்ற வெவ்வேறு வண்ணங்களில் இருக்கலாம்.
மணமற்ற அல்லது லேசான வாசனை உள்ளதாக இருக்கும்அடர்த்தியான வாடை அல்லது மீன் மணம்
பொதுவாக தாய் மற்றும் குழந்தைக்கு பாதிப்பில்லாததுஇது ஒரு தொற்றுநோயைக் குறிக்கிறது, இது தாய் மற்றும் குழந்தைக்கு சிக்கல்களை ஏற்படுத்தக்கூடும்
மருந்து தேவையில்லைஆன்டிபயாடிக் மருந்துகள் தேவைப்படும்

கர்ப்ப காலத்தில் அசாதாரணமான வெள்ளை படுதல் மற்றும் இது எதைக் குறிக்கிறது?

வெள்ளை படுதல் அசாதாரணமானது என்றால்:

  • இது மஞ்சள், பச்சை அல்லது பழுப்பு நிறத்தில் இருக்கும்
  • ஒரு வலுவான அல்லது மீன் வாசனை ஏற்படும்
  • உங்கள் பிறப்புறுப்பு சிவந்ததாகவும் அல்லது நமைச்சலாகவும் மாறும்

கர்ப்ப காலத்தில் அசாதாரணமாக வெள்ளை படலம் வெளியேற்றப்படுவதற்கான காரணங்கள் யாவை

அசாதாரண வெள்ளை வெளியேற்றம் கீழ்க்கண்ட காரணங்களால் ஏற்படலாம்

  • நுண்ணுயிர் எதிர்ப்பிகளின் (antibiotics) பயன்பாடு
  • கர்ப்பப்பை வாய் புற்றுநோய்
  • நீரிழிவு நோய்
  • வாசனை சோப்புகள், குமிழி குளியல் போன்றவற்றின் பயன்பாடு
  • இடுப்பு அழற்சி நோய்
  • மோசமான சுகாதாரம்

அசாதாரண வெள்ளை படுதல் இருப்பின் என்ன செய்வது?

சில நேரங்களில், அசாதாரண வெள்ளை வெளியேற்றம் பாதிப்பில்லாததாக இருக்கலாம். ஆனால் நீங்கள் தெரிந்தே ஒரு ஆபத்தை எதிர்நோக்க முடியாது, ஏனெனில் இது ஒரு சுகாதார நிலையை நோக்கிச் செல்லக்கூடும். எனவே, சுய மருந்து மூலம் அதை குணப்படுத்த முயற்சிக்காதீர்கள். தொழில்முறை ஆலோசனையைப் பெற ஒரு மருத்துவரைப் சந்திக்கவும். அவர்கள் பரிந்துரைக்கும் மருந்துகளைப் பின்பற்றவும் (4,5).

இயல்பான மற்றும் அசாதாரணமான வெள்ளை படுதலை எவ்வாறு கையாள்வது?

வெள்ளை படுதலானது இயல்பானதாக இருந்தாலும், அசாதாரணமானதாக இருந்தாலும், அது நாள் முழுவதும் உடலில் இருந்து வெளியேறும்போது எரிச்சலை ஏற்படுத்தும் (6). உங்கள் வீடோ, பணியிடமோ அல்லது ஒரு விருந்திலோ இது ஏற்படலாம். இதனைத் தவிர்க்க முடியும். அதற்கான வழிகள் இதோ

  • பிறப்புறுப்பு பகுதியை சுத்தமாக வைத்திருங்கள். வாசனையை கட்டுப்படுத்தும் முயற்சியில் வாசனை சோப்புகளைப் பயன்படுத்த வேண்டாம். வெற்று நீர் உங்களுக்கு இந்த வேலைகளை செய்யும்.
  • குறிப்பாக அதிக வெள்ளை படுதலின் போது ஈரப்பதத்தை நீங்கள் உணராதபடி பட்டைகள் அல்லது பேன்டி லைனர்களை அணியுங்கள். பட்டைகள் / பேன்டி லைனர்கள் வெளியேற்றத்தை உறிஞ்சி, உங்களை உலர்வாகவும் மற்றும் சுத்தமாகவும் வைத்திருக்கும்.
  • டேம்பன்களைப் பயன்படுத்த வேண்டாம், ஏனெனில் அவற்றின் மேற்பரப்பில் அமர்ந்திருக்கும் பாக்டீரியாக்கள் பிறப்புறுப்பு வழியாக உங்கள் உடலில் நுழையக்கூடும்.
  • உங்கள் பிறப்புறுப்பில் உள்ள இயற்கையான பாக்டீரியாக்களை மாற்றியமைக்கக் கூடியதாக இருப்பதால், நேரடியாகத் தண்ணீரை பிறப்புறுப்பில் வீசினால் தொற்றுநோய்களுக்கு வழிவகுக்கும். மேலும், இந்த செயல்பாட்டின் போது காற்று உங்கள் பிறப்புறுப்பில் சென்றால், அது ஆபத்தானது என்பதை நிரூபிக்கக்கூடும்.
  • பருத்தி மற்றும் சுவாசிக்கக்கூடிய உள்ளாடைகளை அணியுங்கள். இறுக்கமான ஆடைகளைத் தவிர்க்கவும்.
  • கழிவிடம் பயன்படுத்திய பின்னர் உங்கள் பிறப்புறுப்புகளை உலர வைக்கவும் – அவற்றை முன்னும் பின்னும் மென்மையாக துடைக்கவும்.
  • சோப்புகள், பட்டைகள், கழிப்பறை காகிதம் அல்லது ஸ்ப்ரேக்கள் போன்ற வாசனைத் தயாரிப்புகளை பயன்படுத்த வேண்டாம்.
  • ஆணுறை பயன்படுத்துவது போன்ற பாதுகாப்பான பாலியல் நடைமுறைகளைப் பின்பற்றவும்.
  • நல்ல பாக்டீரியாவை உருவாக்க தயிர் போன்ற புரோபயாடிக் உணவுகளை உங்கள் உணவில் சேர்க்கவும் (7).

வெள்ளை படுதல் ஒரு தொற்று காரணமாக ஏற்பட்டு இருந்தால், நீங்கள் முதலில் செய்ய வேண்டியது ஒரு மருத்துவரை சந்திக்க வேண்டும். தவறாமல் மருந்துகளை உட்கொள்ளும்போது மேற்கண்ட நடவடிக்கைகளை நீங்கள் பின்பற்றலாம் (8).

கர்ப்ப காலத்தில் வெள்ளை படுதலானது மணமற்றது மற்றும் அரிப்பு அல்லது வலி இல்லாத வரை,வெள்ளை வெளியேற்றம் கவலைக்கு ஒரு காரணம் அல்ல.  நீங்கள் அதை கர்ப்பத்தின் மற்றொரு அறிகுறியாக புறக்கணிக்கலாம். உங்கள் சுகாதாரத்தை கவனித்துக் கொள்ளுங்கள் மற்றும் வெள்ளை படுதல் அதிகமாக இருந்தால் பேன்டி லைனர்களைப் பயன்படுத்துங்கள்.

ஆனால் நீங்கள் நிச்சயமாக செய்ய வேண்டியது வெள்ளை படுதலின் அமைப்பு, நிறம் மற்றும் வாசனையை கண்காணிக்க வேண்டும். அவற்றில் ஏதேனும் தவறு இருந்தால், உடனடியாக உங்கள் மருத்துவரை சந்திக்கவும்.

References:

MomJunction's articles are written after analyzing the research works of expert authors and institutions. Our references consist of resources established by authorities in their respective fields. You can learn more about the authenticity of the information we present in our editorial policy.

 

The following two tabs change content below.